مسرحية حيرة ملك (مسرح عرائس )

مسرحية حيرة ملك (مسرح عرائس )

 

عن الأشكال الهندسية

    

 يطل الأرجوز على الحضور وهو يغني

أنــا إســمي الـواد الأرجـوز  ... كـل حـيــاتـي دروس وكنوز

مـن فـرحـتـي نـفـسي أفرحكم ... عمرى ما أضـرب لـيكم بوز

عندي حواديت حلوة عشانكم ... هـاحـكـيـهـا مـن عيني الجوز

ومـعـــايـا أسـئـلـه وهــدايــــا ... مـين فـيـكم يـا ولاد هيفوز ؟  

الأرجوز: صباح الخير يا أصحابى الحلوين ....عارفين أنا مين .... أنا الأرجوز عزوز جايب لكم معايا حكاية يلا بينا نحكيها ...يلا

(كان يا ما كان ، كان فىه ملك اسمه الملك مرجان ... كان محتار وحيران عاوز يبنى قصر جميل ومحتار يبنيه شكله إيه ويبنيه ازى ؟؟؟؟ يا ترى هيعمل إيه ؟؟؟؟ تعالوا نشوف .....

الملك: إزيكم يا أصحابى أنا جيت أشاركم معايا فى مشكلتى مش عارف أبنى بيتى إزى ؟؟؟؟ ويا ترى يكون شكله ايه ؟؟؟؟؟علشان يبقى جميل ومنظم أنا محتار ، محتار جدا يا أصحابى .. بنتى الأميرة قالتلى ابنيه على شكل دائرة إيه رأيكم نبيه على شكل دائرة ؟ اقولكم تعالوا نسأل الدائرة ؟

                          (تظهر الدائرة وهى تغنى )

أنا دايره أمورة العيله       أشكالى حلوه  وجميله

شكلى قمر أو شكلى فطيره   إبنيه دايره وبطل حيره

أنا دائرة حلوه وجميله

الملك: فعلا الدائرة شكلها جميل خلاص نبنيه على شكل دائرة امممممممممممم بس وزيرى عصام الدين قالى أبنيه على شكل مربع ... طب اعمل ايه؟ أبنيه دائرة والا مربع ؟ تعالوا نسأل المربع

أنا المربع أنا المربع     هاتكلم والكل هيسمع

أضلاعي كلها متساويه  على شكلي بيوتكم مبنيه

والشباك بقى بص إليه  تلقاه زي يا ختي عليه

الملك : أيوه هو المربع فعلا شكله جميل بس الدائرة كمان جميله يوووووووووووووو أنا نسيت زوجتى الملكة قالتلى ممكن نبنيه على شكل مستطيل ، طب كده أنا احترت أكثر أبنيه على شكل دائرة والا مربع والا مثلث ؟ ممكن نسأل المثلث ؟

أناااا مستطيل أناااا مستطيل   لطيف شكلي جدا شياكه وجميل

ولي ضلع نونو وضلع كبير        وكل العماير بشكلي الخطير

أنا قصاد عنيك شايفني بباب

أنا بين ايديك ماسكني ف كتاب

الملك: ااااه مش ممكن المستطيل فعلا عاجبنى والدائرة جميله والمربع ممتاز طب أعمل إيه؟؟ أعمل ايه ؟ ، ااااااه نسيت أقولكم يا أصحابى إن الأرجوز عزوز قالى إن ممكن أبنيه على شكل مثلث ، فتعالوا نشوف الحيرة اللي أنا فيها  ونسأل المستطيل وساعدونى يا أصحابى أرجوكم  أرجوكم

أنا أنا.. أنا أنا ..  أنا مثلث الهنا

بص على شكلى الجميل  تلقاني نص مستطيل

شوف الهرم شكلي تمام .. وجبنه نستو يا سلام

نسمي باسم الله قوام .. وناكلها همممم وبالهنا

أنا أنا.. أنا أنا ..  أنا مثلث الهنا

الملك : يا حيرتى يا أصحابى كل الأشكال جميله وعجبانى بس مش عارف أبنى قصرى على شكل إيه مين يساعدنى ؟ مين هيقولى أبنيه على شكل ايه ؟ انتو كمان محتارين زي ؟ طب نعمل إيه يا أصحابى ؟

الأميرة : لاقيتها يا بابا لاقيتها عرفت هنعمل إيه

الملك : أهلا بالأميرة توته الصغنطوته لاقيتى إيه يا بنتى ؟

الأميرة : أنا عرفت هنبنى بيتنا ازاى  

الملك : قولى بسرعه يلا ريحينى من الحيرة اللى أنا وأصحابى فيها

الاميرة : احنا هنبنى بتنا بكل الأشكال الهندسية

الملك: ازى يا توته ؟

الأميرة : هنحط المربع كده وبعدين نحط فوقيه المثلث كده ونعمل باب بتنا المستطيل وشباكنا الجميل هو دائرتنا

الملك : الله .... فعلا جميل

بيتنا جميل وبيتنا هديه م الأشكال الهندسيه

يعنى مربع مستطيل يعنى مثلث داوريه

بتنا جميل وبتنا هديه م الأشكال الهندسية

يعنى مربع مستطيل يعنى مثلث داوريه

الأرجوز :      بتنا جميل وبتنا هديه   م الأشكال الهندسيه

يعنى مربع مستطيل    يعنى مثلث داوريه

ثم يبدأ الأرجوز في الغناء

آدي حكـايه حكيتها لكم   بكره تحكوها لعيالكم

يارب تكون عجبتكم   زي ما كانت في بالكم

واتعلمتوا حاجة مفيده   هتزودوا بيها جمالكم

دا جمال الإنسان أخلاقه  ربنا يصلح أحوالكم

واستنوني المره الجايه   يا ما لسه حكايات جايه لكم 

---

طريقة عمل العرائس لطفلك في المنزل

طربقة عمل العرائس للطفل في المنزل 

عرائس الأصــــابع

الأدوات المطلوبة:

·        ألوان

·        ورق

·        مقص

·        مادة لاصقة

الخطوات:

1-  قم بتجميع بعض الصور لشخصيات كرتونية محببة لدى الأطفال مثل: ميكي  – بطوط – سبونج بوب  – دورا  - مهرج ... إلخ.

2-      اضبط مقاس الصورة ليناسب أصبع الطفل ثم قم بطباعة الصورة على ورق   مقوى ( إن أمكن ).

3-       قم بتلوين الصورة ثم قصها.

4-   قم بقص شريط من الورق وليكن مقاس( 1.5 سم : 6 سم ) وقم بلصق طرفي الشريط لتحصل على دائرة تسمح بمرور أصبع الطفل داخلها.

5-      الصق هذه الدائرة خلف الصورة التي تم تلوينها

6-   ستحصل في النهاية عروسة ورقية يلبسها الطفل في أصبعه ويستطيع أن يصنعها بنفسه ويصنع منه شخصيات مختلفة وإنشاء حوار بينهم.

 الأرجـــــــوز

الأدوات المطلوبة

·        قطعة قماش

·        فردة شراب بيضاء قديمة

·        قليل من الفايبر ..

·        استك (مطاط ) ..

·        مقص ..

·        خيط وابرة..

الخطوات

1-  نقص الشراب نصفين ونحشى الجزء العلوي بالفايبر ونصنع منه  رأس الأراجوز ونقفله من الأسفل  بالأستك ولابد أن يكون  أستك حتى يستطيع الطفل أن يدخل أصبعه ويحرك رأس العروسة...

2-      نخيط ملابس  الأراجوز .. مثل الجلابية البلدى العادية

3-      نحضر قطعة كرتون ملونة تلف مثل( القرطاس ) لتعطى شكل  الطرطور وتلصق  أو تخيط على رأس الأرجوز

4-      أخيرا نلصق زراير كعيون وفم

5-      تقطع خيوط سوداء أو بنّية وتثبت على حروف الطرطور من جهة الرأس كشعر الأرجوز

        

  طريقة عمل عرائس بالقفاز المطاطى

الأدوات المطلوبة
1- قفاز مطاطي
2- كرة إسفنجية
3- خيوط صوفية
4-  رمل
5-  قلم خط أسود وأحمر

الخطوات

1-       نقوم بتعبئة القفاز المطاطي بالرمال حتى المنتصف مع مراعاه تعبئة الأربع أصابع فقط

2-  نقوم بربط الإصبع الخامس (الفارغ من الرمل) حول معصم القفاز، (لتقوم الأصابع بتشكيل أيدي وأرجل الدمية بحيث الصباعين على  الطرفين  شما ويمين هم اليدين  والصباعين فى الوسط هم الرجلين )

3-        بعد ذلك نضع الكرة الاسفنجية فوق القفاز في الجزء الفارغ، ونقوم بربط هذا الجزء ليكون رأس الدمية

4-   نقوم برسم ملامح الوجه عن طريق أقلام الخط، ويمكن أن تثبت أزرارا أو قطع أوراق أسود أو أزرق أو بنى  للعينين وأحمر للفم 

5-      يتم إضافة خيط الصوف إلى أعلى الكرة لتكون خصلات الشعر

6-        وأخيراً نقوم بتفصيل ملابس لها أو  تلبيس الدمية ملابس عروسة قديمة.

فكرة الأراجوز بورق الكوريشة

 

الأدوات المستخدمة:

·        ورق كويشة ألوان

·        ورق كانسون

·        فوم أبيض

·        غراء أبيض

·        ألوان خشب أو فلوماستر

·        خيط السنارة الشفاف

الخطوات

1- نقص الفوم الأبيض كدائرة للوجه ومستطيل للجسم وشكل الكفين والأرجل ثم تقص الطاقية أو طرطور  الأراجوز عبارة عن مثلث وقاعدته نصف دائرية للداخل

2- نرسم على ورق الكانسون وجه الاراجوز العين والفم والانف ونلونها وتكون بنفس مقاس الدائرة السابق قصها ثم نلصقها عليها

3-  نلصق ورق الكوريشة اللون المفضل للطفل على المستطيل (الجسم) واللون الآخر للقبعة أو الطرطور.

4- نقوم بقص مستطيلات طويلة من اللونين المختلفين ثم نقوم بلصق طرف المستطيلين بحيث يكون كل منهما عمودى على الآخر على مستطيل الجسم مكان الذراعين وآخران مثلهما مكان الرجلين ، ثم نقوم بثنى كل منهما على الآخر وهما متعامدان ، وفى آخر الأطراف نلصقهما ببعض ونلصقهما بالكفين أو القدمين السابق قصهما على الفوم الأبيض

5-  نقوم بلصق الوجه بالجسم والطرطور بالرأس بواسطة الغراء الأبيض

6-  وأخيرا نقوم بخياطة الطرطور والكفين والقدمين بخيط السنارة الشفاف للتحكم بتحريكه فى الأوضاع المختلفة .

طريقة عمل الأقنعة

الأدوات المطلوبة :

·        اطباق ورقية او فلين ملونة

·        ورق استنسل او غلاف دوسيه او فايل قديم شفاف

·        غراء ابيض

·        شرائط زينة ملونة

·        مقص اوقاطع ورق (كاتر)

·        الوان مائية او بلاستيك

·        اسفنج

·        عصيان بالونات او شفاطات قوية

الخطوات

1-      نرسم قناعا على الطبق ونفرّغ العينين والأنف ونقصه بالتصميم المطلوب  .

2-نفرغ الشكل المطلوب  من الورق الشفاف ونجعل الأطفال يغمسون الإسفنج في الألوان وتطبع بها على الشفاف الذي فرغناه وهذا على الطبق طبعا أي (يطبعون بالألوان على الأطباق(.

3-نثبت شرائط الزينة من الطرف العلوى للقناع.

4-نخرم ثقبين تحت بعض فى يمين القناع ونثبت فيهما العصا حتى نتمكن من مسك الماسك .

5-ويمكن عمل قناع حيوانات وتفديم العروض المسرحية به

6-ونستطيع أيضا رسم شخصيات الكتاب المدرسى وعمل قناع لكل شخصية وتقديم الدروس المنهجية كلها داخل الفصل بطريقة شائقة وبسيطة وبأقل التكاليف .

طريقة عمل العرائس القفازية

الأدوات المطلوبة :

·        قطعة قماش

·        فردة شراب بيضاء قديمة

·        قليل من الفايبر .

·        أستك (مطاط ) .

·        مقص .

·        خيط وإبرة.

الخطوات

1-  نقص الشراب نصفين ونحشى الجزء العلوى بالفايبر ونصنع منع  رأس الأراجوز ونقفله من الأسفل مع عمل تجويف بسيط لدخول أصبع الطفل عند تحريك الرأس

2- نخيط ملابس العروسة التى تعبر عن الشخصية ،  مثلا لو أنه طبيب فتكون الملابس بيضاء ونرسم عليها السماعة ولو الشخصية تمثل بنتا صغيرة نستخدم أقمشة ملونة ومزركشة ، وعند قص فستان العروسة يراعى وجود أكمام لخياطتها وتصبح الزراعين وتحرك بأصابع الطفل ، لذا لابد من عمل تجويف للزراعين .

3- نحضر خيوط تريكو بنّيه أو سوداء وتثبت بالشمع كشعر للعروسة حسب الشخصية مثلا يثبت شعر طويل للبنت وشعر قصير للولد وطاقية للفلاح وتاج للملك وهكذا

4- نلصق الزراير أو عيون بلاستيكية  تباع جاهزة  مكان العيون ونرسم الفم على القماش ونقصه ونلصقه بالشمع .

---

([1]) المصدر               كتاب المسرح وتنمية مهارات الاطفال وذوي الاحتياجات الخاصة  لرضا بكري 2016